Minse zeen erg vinjingriêk aster ein aanlei-jing weurtj
gezòchtj òm get te fieëste. Veurbieëldje te euver!
Aster ein soort prestatie is nieërgezatte geit de körk al
snel vanne fles!
’t Hale van ein riebewiês, ’t slage bie ein òngerwiês-instèlling,
’t binnehale van ein (noe) baan.
Eine verjaordaâg is waal ’t meist veurkomendj. Alwéér ein jaor
d’r biê is bliêkbaar reje genògt òm ein stök vlaaj te aete en
eine stevige pot te drinke.
Bèsse 30 gewore, keumse in ‘t “ossebook”, asse 50 weurst wètse
eindelik woeë Abraham de mosterd haaltj, mèt 67 hoofse neet
mieër nao de baas en asse 100 weurst….hebse völ gelök gadj!
Heet de voetbalclub weer ins gewònne? Dan istj inne de kantien
haole klot en weurtj d’r gekloonke oppe euverwinning. (Aster
verlore is zitj de kantien oúch vôl en weurtj soms nóg heviger
gedroonke òm mèt ’t verlees òm te kònne gaôn)
As twieë minse beslote hebbe òm mèt deindanger ’t laeve te deile
weurtj de trouwerie aangegrepe òm de bleumkes flink boete te
zètte. In ’t verlingdje daovan liktj nateurlik ein keupere, zilvere
of gouwe broeleft.
De bliedsjap weurtj mer al te gaer gedeildj as eine noewe waereldj-
börger ’t laevesleecht zuût, Jan en Mieke pap en mam waere en
de wederzijdse aojers zich dus opa en oma moge neume. De besjuût
mèt muuskes weurtj neet gauw druuëg nao binne gewirktj.
Veur bouwvakkers liktj ein vaat beer klaor wannieër de boûw oppe
helft is en “de mei” op ’t daâk weurtj gezatte.
Tenslotte waere d’r door ’t jaor haer versjillendje vaag fieëste op
touw gezatte zoeëwie “Meulefieëste”, “Beerfieëste”, en “Asperge-
fieëste”.
’t Woord “fieëst” is dan sjienbaar neet genògt; ’t mieërvoud “fieëste”
mòt zölke evenemênte nóg gewichtiger make.
De reje van al det gefieëst maag dudelik zeên. De sleur en de
alledaagsheid doorbraeke. ’t Bestaôn ein bitje kleur gaeve, wat
aaflei-jing zeuke, de boog aaf en toe ins get òntspanne.
As det regelmaotig löktj is ’t laeve good vôl te haoje!
Lei